யாருக்கு வாக்களிக்க வேண்டும்!? ஏன்!? எதற்காக!?
ஜே.வி.பியின் தேசிய மக்கள் சக்தியானது மக்கள் விரும்பும் சமூகப் பொருளாதார மாற்றத்தைத் தருமா!? இந்தக் கேள்வி மிகமிக அடிப்படையானது. மக்கள் மாற்றத்தை விரும்புகின்றனர். அதுவென்ன?
ஜே.வி.பியின் தேசிய மக்கள் சக்தி செய்ய விரும்புவது என்னவெனில், நெருக்கடியற்ற வகையில் அந்நிய நிதிமூலதனங்களின் கடன்களையும் வட்டிகளையும் தடையின்றிக் கொடுப்பதுதான். அதற்கான தடைகளை, சமூகத்திலிருந்து அகற்றுவது தான். இதுவா மக்கள் விரும்பும் மாற்றம்!?
தடையற்ற வகையில் மக்களின் வரிப்பணத்தை அந்நிய நிதிமூலதனம் எடுத்துச் செல்ல தடையாக இருக்கும், ஊழல் மற்றும் அதிகார முறைகேடுகளை ஒடுக்கி, ஏற்றுமதிக்கான உற்பத்திகளை அதிகரித்துக் கொள்வதுதான் ஜே.வி.பியின் தேசிய மக்கள் சக்தி முன்வைக்கும் மாற்றம். இதன் மூலம், முதலாளித்துவ அமைப்புமுறையை மாற்றமின்றி பாதுகாப்பதே ஜே.வி.பியின் தேசிய மக்கள் சக்தியின் அடிப்படைக் கொள்கையாகும்.
ஜே.வி.பியின் இந்த முதலாளித்துவக் கொள்கையை எதிர்த்து 2012 களில் ஜே.வி.பி யிலிருந்து பிரிந்த முன்னிலை சோசலிசக் கட்சி, மக்களை முன்னிறுத்தி வர்க்க அரசியலை முன்வைத்தது. முன்னிலை சோசலிசக் கட்சி மக்கள் போராட்ட முன்னணி என்ற அமைப்பை உருவாக்கியுள்ளது. முதலாளித்துவ முறைமைக்கு எதிராக, உழைக்கும் மக்கள் அதிகாரத்தை முன்வைத்து, உணமையான மாற்றத்தை முன்மொழிந்தது.
மாற்றம் குறித்து இரண்டு அரசியல் முன்வைக்கப்படுகின்றது.
1.முதலாளித்துவ சீர்திருத்தம் மூலம் மக்களைச் சுரண்டும் முதலாளித்துவத்தை பாதுகாக்கும் மாற்றம்.
2.முதலாளித்துவத்துக்கு எதிராக மக்களை அதிகாரத்துக்கு கொண்டு வந்து, மக்களைச் சுரண்டும் முதலாளித்துவத்தை ஒழித்துக் கட்டும் மாற்றம்
