10202020Tue
Last updateFri, 16 Oct 2020 7pm

ஜயாவின் பதினொரு பதிவுகளும், எனது பின்னூட்ட முரண்களும்...09

ஆண்டு 1975, மூன்றாம் பகுதி

தமிழர் விடுதலைக் கூட்டணியின் அந்தத் தீர்மானத்தின் பின்னணியில், அனைத்துலக மற்றும் தேசிய ரீதியிலான ஒரு அரசியல் பரிணாம நிலைமையும் இருந்து கொண்டுதானிருந்தது. மூன்றாம் உலகநாடுகளில் தமது தோல்வியைச் சந்தித்து வந்த அமெரிக்க ஏகாதிபத்தியம், வேறு புதிய முகாம்களை அமைத்துக் கொள்ளும்  அவசர அவசியமான நிலைக்குத் தள்ளப்பட்டது. இந்நிலையில் 75ஆம் ஆண்டு சிறீமாவின் கூட்டரசாங்கத்தின் புதிய அரசியல் குடியரசுச் சட்டத்தின் ஆண்டு நிறைவான 1975 மே 22ம் திகதி, கொழும்பு தெற்கு தேர்தல் தொகுதியில் இருந்து இராஜினாமாச் செய்திருந்தார் யூ.என்.பி. தலைவர் ஜே.ஆர். ஜெயவர்த்தனா. இராஜினாமாச் செய்த ஜெயவர்த்தனா, ''இடைத் தேர்தலை நடத்தும்படி'' கோரிக்கையும் விடுத்திருந்தார்.....


ஜயாவின் பதினொரு பதிவுகளும், எனது பின்னூட்ட முரண்களும்...08

ஆண்டு 1975, இரண்டாம் பகுதி

உள்நாட்டு மற்றும் வெளிநாட்டு (சர்வதேச)அரசியலைப் பொறுத்து, இவ்வாண்டு அன்று முக்கியமான ஆண்டாக இருந்தது. இவ்வாண்டில் அன்று அரசியல் அரங்கில் பல 'விசித்திரங்கள்' நடக்கத் தொடங்கின.

முதலில் உள்நாட்டில்: சிறீமாவின் கூட்டு முன்னணிக்குள், வெடிப்புக்கள் உருவாகி இருந்தன. பல புதிய கட்சிகள் உருவாகின. (காங்கேசன்துறை வேட்பாளர் வி.பொன்னம்பலத்தின் முரண்பாடும் இவ்வாண்டில் வெளிப்பட்டிருந்தது - பாராளுமன்ற 'இடது அரசியலிலும்'. ...)

ஐயாவின் பதினொரு பதிவுகளும், எனது பின்னூட்ட முரண்களும்...06

ஆண்டு 1974 இரண்டாம் பகுதி


சிவகுமாரன் மிகத்துணிவுள்ளவனாகவும், உணர்ச்சிக் கொந்தளிப்புள்ளவனாகவும் இருந்தான். தமிழாராய்ச்சி மாநாட்டில் நடந்த அனர்த்தத்தால் ஆவேசத்துடன் வீடு திரும்பியிருந்தான். அந்தச் சாமவேளையிலும் இரண்டு குண்டுகளுடன் சந்திரசேகராவைத் தேடி யாழ் நகருக்கு வருகிறான்.

சந்திரசேகரா 40 விசேட கலகம் அடக்கும் பொலீசாரை கொழும்பிலிருந்து வரவழைத்து, கூட்டத்தை இறுதியில் கண்ணீர்புகை, குண்டாந்தடிகள் உதவியுடன் கலைத்திருந்தார். இவரின் தலைமையில் மேற்கொள்ளப்பட்ட நடவடிக்கையில் 9 பேர் பலியானதால் சிவகுமாரன் இவரை பழிதீர்க்கத் துடித்தான்.

ஐயாவின் பதினொரு பதிவுகளும், எனது பின்னூட்ட முரண்களும்...07

ஆண்டு 1975 முதலாம் பகுதி

1975 களில் இலண்டனில் இருந்த இரத்தினசபாபதி, ஏற்கனவே 'ஈழவர் இடர்தீர' என்ற புத்தகத்தையும் வெளியிட்டிருந்தார். அப்பொழுது இலண்டனில் இயங்கிவந்த General Union of Palestinian Students (GUPS) உடன் தொடர்புகளை மேற்கொண்டிருந்ததுடன், அதன் மாதிரியாக (GUES) என்ற மாணவர் அமைப்பையும் இவர் உருவாக்கியும் இருந்தார். 

தமிழாராய்ச்சி தொடக்க நாளான தை 3ஆம் நாளின் ஒரு வருட நிறைவன்று (03.01.1975), அதிகாரபூர்வமாக 'ஈரோஸ்' என்ற அமைப்பு இரத்தினசபாபதியால் உருவாக்கப்பட்டிருப்பதாக அறிவிக்கப்பட்டுமிருந்தது.

ஜயாவின் பதினொரு பதிவுகளும், எனது பின்னூட்ட முரண்களும்...05

1974 ஆம் ஆண்டு புதுவருடத்தைத் தொடர்ந்து, வடக்கே நான்காவது தமிழாராய்ச்சி மாநாட்டுக்கான ஆரவாரங்கள் ஆரம்பமாகியிருந்தது. வடக்கே தென்னோலைத் தோரணங்களும், வாழைமரங்களும், மின் அலங்காரங்களும், சப்பறங்களும், அலங்கார வளைவுகளுமாக யாழ்நகரம் விழாக்கோலம் கொள்ளத் தொடங்கியது.