01192021செ
Last updateச, 16 ஜன 2021 11am

நோர்வே அரசின் முந்தானையில் மறைந்தபடி அரசியல் செய்யும் சந்தர்ப்பவாத நோர்வேத் தமிழ் இடதுசாரிகளும் பினாமிப் புலிகளும்….

”மீண்டும் நோர்வே பற்றிய செய்திகள் ஊடகங்களில் அடிபடத் தொடங்கியுள்ளன.கடந்த செப்டெம்பர் மாத நடுப்பகுதியில், ஜ.நா.பொதுச்சபைக் கூட்டத்தில் பங்குபற்ற நியூயோர்க் சென்றிருந்த ஜனாதிபதி மஹிந்த ராஜபக்ஷ, நோர்வே பிரதமர் ஜீன்ஸ் ஸ்ரோல்ரென்பேர்க் மற்றும் அந்த நாட்டு அமைச்சர் எரிக் சொல்ஹெய்ம் ஆகியோரைச் சந்தித்துப் பேசியிருந்தார்.

இதன் பின்னரே நோர்வே பற்றிய செய்திகள் இலங்கை ஊடகங்களில் இடம் பிடிக்கத் தொடங்கின.

இலங்கையுடனான உறவுகளைப் புதுப்பிக்கும் நோக்கில் எரிக் சொல்ஹெய்மை கொழும்புக்கு வருமாறும் இந்தச் சந்திப்பின் போது அழைப்பு விடுத்திருந்தார் ஜனாதிபதி மஹிந்த ராஜபக்ஷ. இதையடுத்து அடுத்த வருடம் ஜனவரி மாதம் கொழும்பு வருவதற்கு எரிக் சொல்ஹெய்ம் இணங்கியுள்ளார்.”

மேற்கண்ட செய்தி நறுக்கு தமிழ்மிரர் என்ற தளத்திலிருந்து எடுக்கப்பட்டது. இந்தச் செய்தியில் கூறப்பட்டுள்ளபடி எரிக் சூல்கெய்ம் அடுத்த வருடத்தின் ஆரம்பத்தில் இலங்கைக்கு போகவிருப்பதாக அவர் தலைமை வகிக்கும் அமைச்சின் செய்தித்தொடர்பாளர் இந்த கட்டுரையை எழுதும் எனக்கு உறுதிப்படுத்தியுள்ளார். ஆனால் தமிழ்மிரர் எழுதுவது போல், தைமாதம் எரிக் சூல்கெய்ம் இலங்கை செல்வார் என்ற தகவலை பாதுகாப்புக்காரணங்களால் அவர் உறுதிப்படுத்த மறுத்தார். அத்துடன் எரிக் சூல்கெய்ம் இலங்கையில் மேற்கொள்ளவிருக்கும் பயணத்தின் நிகழ்ச்சிநிரலையும் பாதுகாப்புக் காரணங்களால் வெளியிட மறுத்தார்.


தீவகத்து ஒப்பாரி

களவாட வந்தவன, கத்தியோட நின்றவன,

கையோட பிடிச்சுக்கட்டி நிலை கேட்க வந்தவரை - கள்ளர்

என கூறி  கையெழுத்து போட்டதென்ன.

 

கர்ண மகராசா என்ர, கற்றறிந்த குணராசா,

கற்றல் தலைக்கேறி - நீ

கரை தாண்டிப் போனதென்ன.

மே 15 -18 வரையான நாட்களை பாசிச-ஏகாதிபத்திய எதிர்ப்பு நாட்களாக அனுஷ்டிக்க தமிழ் இடதுசாரிகள் முன்வர வேண்டும். - தீவான்

முன்பு  போராளிகளின் இரத்தம் சிந்திய தியாகத்தை மாவீரர் தினமென அறிவித்து ரோல்சும், வடையும், பிளாஸ்டிக் கார்த்திகைப் பூவும் விற்று மில்லியன் கணக்கான காசு உழைத்தவர்கள், இந்த புலிப்பினாமிகள். ஆடின காலும், பாடின வாயும் சும்மா இருக்காது. அதுபோல ஒருவருடமாக உழைப்பில்லாமல் இருந்த புலம்பெயர் புலிப்பெருச்சாளிகளுக்கு, நாலுகாசு பார்க்க வாய்ப்பு வந்துள்ளது. அதற்கு வசதியாக, மக்களின் சாம்பல் பூத்த மேட்டை வியாபார இஸ்தலமாக்கி, தொடர்ந்தும் பணம் சம்பாதிக்க இந்தப்  பினாமிகளில் ஒரு தரப்பு  "துக்கதினம் என்கிறது" இன்னொரு தரப்பு மே18 போர்க்குற்றவியல் நாள் என்கிறது. மற்றொரு தரப்பு கடந்த 2009 ஆண்டு தமிழின அழிப்பின் உச்ச ஆண்டாகவும், மே 12 முதல் 18 வரை உச்ச நாட்களாகவும், அனுஷ்டிக்கும்படி தமிழ் மக்களை அழைக்கின்றனர்.

தரகு-பாசிச புலத்து புலிப்பினாமிகளும், எலிப்புளுக்கை - இடதுசாரிகளும் நோர்வேயில் நடத்தும் அரசியல் திருகுதாளங்கள்

எனது இளமைக் காலத்தில் எனது வீட்டுக்குப் பக்கத்து தோட்டத்தில்; மிளகாய் ஆயும் பெண்களைப் பார்த்து நடுவெய்யிலில் நின்று வீணி வடிப்பது எனது நாளாந்த தொழில். அப்போது என்னைப் பார்த்து என்ர ஆச்சி சொல்லுவார்  "எள்ளு காய்கிறது எண்ணைக்கு, எலிப்புளுக்கை ஏன் அதோட காயுது" என்று. இன்று நோர்வேயில் நடக்கும் அரசியல் நாடகங்கள் என்ர ஆச்சி சொன்ன மேற்கூறிய பழமொழியைத்தான் நினைவுபடுத்துகிறது. சரி விடயத்துக்கு வருவோம்.