தேர்தலும் முகங்களும்..

இன்று தேர்தல். 

பல நூற்றுக்கணக்கான முகங்கள் களத்தில். அதில் சில பல வருடங்களாக பழகிப் போன அதே முகங்கள்.., இன்னும் சில பழகிப் போன அந்த முகங்களின் தன்மையினை அப்படியே கொண்டு அதே சேற்றில் முளை கொண்டு வளர்ந்து வந்த முகங்கள்.., இதை விடவும் ஆங்காங்கே முளை எடுத்து நிற்கும் புதிய முகங்கள் என பல நூறு முகங்கள் இன்றைய தேர்தல் களத்தில் இறங்கியுள்ளன. ஆனால் இவர்கள் தேர்தலை வெல்ல வகுத்துள்ள வியூகம் ஒன்று தான். அப்பாவி மக்களை உசுப்பிவிடும் உணர்சி மிக்க பேச்சாலும் கருத்தாலும் மக்களை ஏமாற்றி வாக்குகளைப் பெற்று ஐந்து வருடங்களை சுகபோகத்தோடு அனுபவிப்பதே இவர்கள் மேற்கொண்டுள்ள வெற்றிக்கான ஒரே வியூகமாகும். இதில் மக்கள் பல வருடங்களாக பழக்கப்பட்டுப் போனாலும், மாற்று வழியினை சிந்திக்க முடியாத நிலையில் இந்த முகங்களையே நம்பி மீண்டும் மீண்டும் தம் உரிமைகளை தொலைத்து விட்டு ஏமாந்து நிற்கின்றார்கள். மக்களின் அறியாமை, இயலாமை, நம்பிக்கையின்மை, மனச்சோர்வு.., இவையெல்லாம் இந்த முகங்களுக்கு சாதகமாக அமைந்து விடுகின்றது. இது அப்பாவி மக்களின் துரதிஸ்டமே. இந்த மக்களுக்கு நம்பிக்கையினை மக்களின் எதிர்பார்ப்பினை நேர்மையோடு அணுகி அந்த மக்களுடைய நலனக்காக அர்ப்பணிப்போடு செயற்படும் எந்த முகமும் இன்றைய தேர்தல் களத்தில் இல்லை.


ஒடுக்கப்பட்ட மக்களுக்காக, சிறுபான்மையின மக்களுக்காக குரல் கொடுக்கும் கட்சிகள் தங்கள் கொள்கையினை, வேலைத்திட்டத்தினை திறந்த மனதோடு வெளிப்படையாக முன்வைக்க பின்னிற்கின்றன. பெரும்பான்மையின மக்களின் ஆதரவு தங்களுக்கு இல்லாது போய்விடும் என்ற இவர்களுடைய எண்ணத்தால் சிறுபான்மையின மக்களுடைய ஆதரவினை, நம்பிக்கையினை பெறமுடியாது நிற்கின்றார்கள். இது கடந்தகால அரசியலின் கசப்பான நிகழ்வுகளின் பிரதிபலிப்பாகும்.


மொத்தத்தில் தமிழ்மக்களின் வாழ்க்கையும் உரிமைகளும் கேள்விக் குறியோடே தொடர்ந்தும் செல்ல வேண்டிய துர்ப்பாக்கிய நிலைக்கு மக்கள் தள்ளப்பட்டுள்ளார்கள்...


இந்த முகங்களின் மாற்றம் எந்த மாற்றத்தையும் தரப் போவதில்லை என்பதே நிஜம்...!

 

தமிழ் மக்களை தோற்க்கடித்த தேர்தல்!

தேர்தல் என்றால் என்ன..? மக்களின் வாக்குக்களை வாங்கி பதவிக்கு வந்து அரசாங்கத்தினை அமைத்து அதிகாரம் செலுத்துவது. அரசியலில் ஒரு தீர்வு.., வாழ்க்கைக்கு ஒரு தீர்வு.., வேலைக்கு ஒரு தீர்வு.., பசி பட்டினி, வதிவிடத்திற்கு ஒரு தீர்வு.., என்ற பலதரப்பட்ட எதிர்பார்ப்புக்களோடு மக்கள் அரசியலில் வாக்களிக்கின்றார்கள். ஆனால் மக்களுடைய எதிர்பார்ப்புக்கள் எதையுமே இந்த அரசியல்வாதிகள் நிறைவேற்றி வைப்பதில்லை.

Read more: தமிழ் மக்களை தோற்க்கடித்த தேர்தல்!

வலுவிழந்தவர்களாக மாறிச் செல்லும் தமிழ் சமூகம்..!

இலங்கை மக்கள் மதமாற்றம், ஆங்கிலக் கல்வி என்று ஆக்கிரமிக்கப்பட்டிருந்த காலம் இலங்கை காலனித்துவ ஆட்சிக்கு உட்படுத்தப்பட்டிருந்த காலம். ஆனால் இலங்கை மக்கள் கல்வியில் சிறப்புற வளர்ச்சி கண்ட காலமும் அந்த காலனித்துவ காலமே. இலங்கை முழுவதும் காலனித்துவ ஆட்சிக்கு உட்படுத்தப்பட்டிருந்தாலும் யாழ்ப்பாண மேட்டுக்குடி சமூகம் கல்விக்கு கூடிய முக்கியத்துவம் வழங்கியிருந்தது. அந்த காலகட்டத்தில் அங்கு தான் கூடுதலான பாடசாலைகளும் நிறுவப்பட்டன. அந்த மக்கள் கல்வியினை நம்பி வாழ வேண்டிய தேவையும், சூழ்நிலையும் யாழ்ப்பாண சமூகத்தில் பெரியளவில் காணப்பட்டது. அல்லது அந்த மக்கள் கூலிகளாக வாழ வேண்டிய நிர்ப்பந்தமே அங்கிருந்தது.

Read more: வலுவிழந்தவர்களாக மாறிச் செல்லும் தமிழ் சமூகம்..!

நல்லூர் கந்தனின் தேர் உலாவும்… தேவலோக கந்தனின் கோபமும்…

"சும்மா இருந்து ஏன் சிரித்துக் கொண்டிருகிறாய்.., மூளை கோளாறாகிவிட்டதா..? ஒரு முகம் கொண்டு நீ சிரிப்பதையே சகித்துக் கொள்ள முடிவதில்லை. ஆறு முகத்தாலை நீ சிரிக்கிறதை பார்க்க பயமாகவுள்ளது..!" – கணேசன்.


"என்னைப் பார்த்து யாரும் பயப்படுவதில்லை. உன்ரை முகத்தைப் பார்த்துத்தான் எல்லோரும் மிரளுகின்றார்கள்!" – கந்தன்.


"உன்னைப் போல பல வேசங்கள் போட்டு சனத்தை நான் ஏமாத்தவில்லை, யாரும் என்னைப் பார்த்து பயப்பட்டதுமில்லை.., எல்லாருக்கும் என்னை புடிச்சுமிருக்கு. விநாயகனே எங்களுக்கு அறிவைத்தா என்று என்னைத் தான் கேட்கிறார்கள்.., உன்னை யாரும் கேட்பதில்லை." – கணேசன்.

Read more: நல்லூர் கந்தனின் தேர் உலாவும்… தேவலோக கந்தனின் கோபமும்…

பன்னாட்டு நிறுவன இடிபாடுக்குள் மனித உயிர்கள்...!

பங்களாதேஷ் தொழிற்சாலை விபத்தும் அதன் அழிவுகளும் மனித நேயத்தினை உலுப்பி விட்டுள்ளது. குறுகிய கால இடைவெளிக்குள் பல ஆயிரக்கணக்கானவாகள் தொழிற்சாலை விபத்துகளில் உயிரிழந்துள்ளார்கள். ஒன்பது மாடிக்கட்டிட இடிபாட்டில் ஒருசிலர் உயிரோடு மீட்கப்பட்டுள்ளார்கள், ஆயிரக் கணக்கானோர் உயிரிழந்துள்ளார்கள்.

Read more: பன்னாட்டு நிறுவன இடிபாடுக்குள் மனித உயிர்கள்...!