07262021தி
Last updateசெ, 20 ஜூலை 2021 1pm

குண்டாயிருக்கீங்களா ? நீங்க அறிவாளிதான் போல !!!

உங்க உடம்பு ரொம்ப குண்டா இருக்கா ?, நீங்க ரொம்ப அதிகமா யோசிக்கிறீங்கன்னு நினைக்கிறேன் !! என்கிறது கனடா நாட்டு ஆராய்ச்சி ஒன்று. மூளையைக் கசக்கி வேலை செய்பவர்களுக்கு உடல் பருமனாக வாய்ப்பு இருக்கிறது என்பதே அந்த ஆராய்ச்சியின் மையம்.

 

அதாவது நல்ல அறிவு சார்ந்த வேலைகளைச் செய்யும் போது உடலுக்கு நிறைய கலோரி சக்தி தேவைப்படுகிறதாம். எனவே அந்தத் தேவையை நிவர்த்தி செய்ய அதிகம் சாப்பிட வேண்டிய சூழல் உருவாகுமாம். அதிகம் சாப்பிட்டால் குண்டாவோம் என்பதைத் தனியே சொல்லவும் வேண்டுமா ?

 

இவர்கள் தங்களுடைய ஆராய்ச்சியில் பல்வேறு தேர்வுகளை வைத்து ஒவ்வொரு தேர்வுக்கும் எவ்வளவு கலோரி உடலுக்குத் தேவைப்படுகிறது என்பதைக் கணக்கெடுத்திருக்கிறார்கள். குறைவாக மூளையைப் பயன்படுத்த வேண்டிய வேலை செய்தவர்களுக்கு மிகவும் குறைவாகவே சக்தி தேவைப்பட்டிருக்கிறது.

 

தேவைப்படும் கலோரி, செய்யும் வேலையைப் பொறுத்து மூன்று கலோரியோ முன்னூறு கலோரியோ என ஒழுங்கில்லாமல் அதிகரிக்குமாம். இப்படி அதிகரிக்கும் போது உடலுக்கு ஏதாவது சாப்பிட வேண்டி வருகிறது, அது உடலில் சேர்கிறது.

 

இவர்களுக்கு குருதிச் சோதனையும் நிகழ்த்தப்பட்டது. தேர்வுக்கு முன் குருதி சோதனை செய்து பார்த்திருக்கிறார்கள். பிறகு தேர்வின்போதும் சோதனை செய்திருக்கிறார்கள். முதலில் அமைதியாய் இருந்த குளுகோஸ் அளவும் இன்சுலின் அளவும் மூளையைப் பயன்படுத்திச் செய்ய வேண்டிய அறிவு சார் வேலை வந்தபோது எக்குத் தப்பாக எகிறியிருக்கிறது.

 

இது உடலுக்கு அதிக உணவு வேண்டுமெனக் கேட்கும். உட்கார்ந்து மூளையைக் கசக்கி வேலை செய்பவர்கள் பொதுவாகவே உடற்பயிற்சி செய்யாமல் சோம்பேறிகளாகவே இருப்பார்கள். எனவே இவர்கள் அதிகம் உண்டு, குறைவாய் உடற்பயிற்சி செய்து அதிக எடையுடன் கூடியவர்களாக மாறி விடுகின்றனர்.

 

இப்படி ஒரு ஆராய்ச்சி முடிவைச் சொல்லியிருக்கிறது கனடாவின் கியூபக் நகரில் அமைந்துள்ள லாவல் பல்கலைக்கழகம்.

 

இனிமேல் யாராவது, “என்னப்பா ரொம்ப குண்டாயிட்டே, தொப்பை வேற யானைக் குட்டியாயிடுச்சு” என்று கிண்டலடித்தால்,

 

“என்னப்பா… உன்னை மாதிரியா, எனக்கு மூளையைக் கசக்கி வேலை செய்ய வேண்டியிருக்கு இல்லையா” என சிரித்துக் கொண்டே சொல்லி விடுங்கள்.

 

http://sirippu.wordpress.com/2008/09/17/think/


தங்கமும் வெள்ளியும் கக்கும் எரிமலை

இத்தாலியின் சிசிலி தீவிலுள்ள எட்னா எரிமலையானது, தங்கமும் வெள்ளியும் கக்கும் எரிமலையாகும். பிரெஞ்சு அறிவியல் குழு ஒன்று அங்கு சோதனை பயணம் செய்தது. இந்த எரிமலை நாள்தோறும் ஆயிரம் கிராம் தங்கமும் ஒன்பது ஆயிரம் கிராம் வெள்ளியும் கக்குகின்றது. ஆனால் இதுவரையிலும் எதையும் சேகரிக்க முடியவில்லை.

நீர் கக்கும் எரிமலை

மியான்மர் நாட்டின் ராக் மலைப்பள்ளத்தாக்கில் நீர் கக்கும் எரிமலை ஒன்று உள்ளது. இந்த எரிமலை வாய், ஆயிரம் மீட்டர் விட்டமுடையது. அதைச் சுற்றிலும் செடிகொடிகள் செழிப்பாக வளர்ந்துள்ளன.

சேறு சகதி கக்கும் எரிமலை

லத்தின் அமெரிக்காவின் பார்படோஸ் தீவின் கிழக்கு பகுதியில் ஐந்து ஆயிரம் மீட்டர் ஆழத்தில், சேறு சகதி கக்கும் எரிமலை உண்டு. இந்த எரி மலையின் வாய், நீள்வட்டமாக அமைந்துள்ளது. சுமார் ஆயிரம் மீட்டர் அகலம் உடையது. இருப்பது மீட்டர் தொலைவில் இருந்து, இந்த எரிமலையில் பொங்கி எழும் சேறு சகதிகளைக் காணலாம். இந்த எரிமலையின் மேல்பரப்பு, நெருக்கமான கிருமிகளால் மூடப்பட்டிருக்கிறது. அங்கிருந்து எடுக்கப்பட்ட பொருட்களில் சிப்பி, மிருதுவான ஓடுகொண்ட ஆமை முதலிய விலங்குகளைக் காண முடியும்.

 

பணி கக்கும் எரிமலை

பின்லாந்து நாட்டின் தெற்கு கடலோரத்தில் அமைந்துள்ள கெம்வேட் எரிமலை வெடித்தெழும் போது, பனிக்கட்டிகளைக் கக்குகின்றது. விநாடிக்கு 420 கன மீட்டர் பனிக்கட்டிகளை வெளியேற்றுகின்றது. இரண்டு வாரங்களுக்கு பிறகு ஒன்று புள்ளி மூன்று கன கிலோ மீட்டர் பனிக்கட்டிகள் சேர்ந்து விடும்.