Wed02192020

Last update10:02:19 am

Font Size

Profile

Menu Style

Cpanel
Back முன்பக்கம்

மகிந்தம் தின்ற மானிடநேயர்……

  • PDF

எமக்காய் எழுந்த தோள்கள்
லலித் குகன் என்ன ஆயினர்
மகிந்தம் தின்ற மானிடர் வரிசையில்
இவர்களும் போயினர்
மௌனமான தமிழ்தேசியம் இன்னம்
இந்தியக் கனவில் நந்திக்கடலை நோக்கி நடக்கிறது

 

 

முந்தைய நாட்களும்
முடிவற்றுத் தொடர்ந்த அவலமும்
சிந்திக்கவைக்கா சிறைக்குள் மாழ்வதேன்
இந்திராவை தாயென்றோம்
இந்தியாவை தாய்மடியென்றோம்
எல்லா அவலத்துள்ளும்-இந்தாபார்
முள்ளிவாய்க்கால் வரையும் முடியா நம்பிக்கை
பொடிப்பொடியாய் சிதறுண்டும்
கிருஸ்ணா வரவில் கழிகொள்ள என்ன இருக்கிறது

போரெழுமென்ற புலத்துக்கனவுகள்
துயிலுமில்லத்து
எலும்பைத்தோண்டென கிழம்பியுள்ளது
சிறு வேர்விடும்
இனங்களின் ஜக்கியம்
சிதறுண்டு போகாது சிந்தித்து எழு(து)க…

எமக்காய் ஒலித்த குரல்களை
நெரித்தவர் செவிப்பறை வெடிக்கணும்
ஜக்கியம் மேலிட அதிரும் கோசங்கள்
ராஜபக்ச கோட்டையை இடிக்கணும்
லலித்தும் குகனும் எங்கள் உறவாய்
இந்திய மாயை எமைவிட்டு அகலணும்
லலித்தும் குகனும் சொல்லிய செய்தி
இலங்கை மக்களை இறுகப்பிணைக்கணும்

சேர்ந்து நடப்போம்! சேர்ந்து நடப்போம்!
எம் மண் சிவக்க சேர்ந்து நடப்போம்!

-கங்கா

12/02/2012