பூனையாரே பூனையாரே,
போவதெங்கே சொல்லுவீர்?
கோலிக்குண்டு கண்களால்
கூர்ந்து ஏனோ பார்க்கிறீர்?
பஞ்சுக்கால்களாலே நீர்
பையப் பையச் சென்றுமே
என்ன செய்யப்போகிறீர்?
எலி பிடித்துத் தின்னவா?
அங்கு எங்கே போகிறீர்?
அடுப்பங்கரையை நோக்கியா?
சட்டிப் பாலைக் குடிக்கவா
சாது போலச் செல்கிறீர்?
சட்டிப் பாலும் ஐயையோ
ஜாஸ்தியாகக் கொதிக்குதே!
தொட்டால் நாக்கைச் சுட்டிடும்
தூர ஓடிப் போய்விடும்!
எழுதியவர்: குழந்தைக் கவிஞர் அழ.வள்ளியப்பா
பாடல்கள் இடம் பெற்றது: மலரும் உள்ளம். தொகுதி 1
பாடலை அனுப்பியவர் : அக்கா துளசி கோபால்