11302021செ
Last updateச, 09 அக் 2021 9am

தயிர் அவல்


இலகுவாகத் தயாரியுங்கள்

அவசர காலை உணவுக்கு ஏற்றது.

தேவையான பொருட்கள்

அவல்- ஒரு கப்

வெங்காயம்- சாம்பார் வெங்காயம் 5-6, அல்லது பெரிய வெங்காயம் சிறிதளவு (பொடியாக நறுக்கியது)

பச்சை மிளகாய்- ஒன்று (பொடியாக நறுக்கியது)

கறிவேப்பிலை- சிறிதளவு (பொடியாக நறுக்கியது)

தயிர்- இரண்டு மேசைக் கரண்டி

உப்பு சிறிதளவு

முந்திரி வற்றல்- 20

வாழைப்பழம்- 2



ரேஸ்ருக்கு வேண்டுமாயின்

இஞ்சித் துருவல் சிறிதளவு.
கடுகு, உழுத்தம் பருப்பு தாளிக்க

சமையல் எண்ணெய் 2 தேக்கரண்டி



செய்முறை-


அவலை ஊற வையுங்கள் சுமார் 5 முதல் 10 நிமிடங்கள்.

நன்றாகப் பிழிந்து எடுத்துக் கொள்ளுங்கள்.

வெங்காயம், பச்சை மிளகாய், கறிவேப்பிலை, இஞ்சித் துருவல், தயிர் உப்பு ஆகியவற்றைச் சேருங்கள்

கடுகு, உழுத்தம் பருப்பு இரண்டையும் தாளித்து கொட்டிக் கிளறவும்.

இதனைப் பரிமாறும் தட்டில் போட்டு,

வட்டமாக வெட்டிய வாழைப்பழத் துண்டங்கள், முந்திரி வற்றல்கள் இரண்டையும் வட்டமாக அடுக்கி அலங்கரியுங்கள்.

இனிப்பு, உறைப்பு, புளிப்பு சேர்ந்த சூப்பர் சுவையுடன் நாவூற வைக்கும். கண்ணுக்கும் விருந்தாகும்.

குழந்தைகளுக்கு பச்சை மிளகாயைத் தவிர்த்துச் செய்தால் மிச்சம் வைக்க மாட்டார்கள்.
http://sinnutasty.blogspot.com/2008/07/blog-post.html