Thu11152018

Last update10:02:19 am

Font Size

Profile

Menu Style

Cpanel
Back அரசியல்/சமூகம் கடாபியின் துப்பாக்கிகள் யாரைக் காப்பதற்காய் இரத்தம் குடிக்கிறது!

கடாபியின் துப்பாக்கிகள் யாரைக் காப்பதற்காய் இரத்தம் குடிக்கிறது!

  • PDF

உங்களிடமுள்ள சுடுகலங்கள்
ஆக்கிரமிப்பாளர்களால் திணிக்கப்பட்டதாயினும்
ஏந்தும் கரமும் இதயமும்
ஏழையின் உறவென்பது சேர்த்தே சிதைக்கப்பட முடியாதது

 

இயந்திரத் துப்பாக்கிகளிலிருந்து

சீறிப்பாயும் ரவைகள் யாரை வீழ்த்தப் போகிறது
அடக்கு முறையாளரின் கோட்டைகள்
இடிந்து நொருங்கும் படியாய்
அதிரும் கோசங்களுடன் அணிவகுத்து நிற்பது
உங்களது அன்னை தந்தையர்
உங்களது உடன்பிறந்தோர்
உங்களது துணைகள்
உங்களது பிள்ளைகள்
கொடியவரைக் காப்பதற்காய்
மக்கள் எதிரியாய் மடிவதை விட்டு
கையிருக்கும் துப்பாக்கியோடு
மக்களோடு மக்களாய் கலந்து விடுங்கள்
எழுச்சியின் விளை நிலத்தில் ஏகாதிபத்தியங்கள்
அடிவருடிகளை அமர்த்துவதற்காய்
சதித்திட்டங்கள் படுவேகமாய் தீட்டப்படுகிறது

சர்வாதிகாரிகளின் வீழ்ச்சியின் நீட்சி
மக்கள் அரசாட்சியை நோக்கி அணிவகுக்கும்
அரபு மக்கள் தீரம் தொடர்ந்தெழுந்து வெல்லும்
எழுச்சியின் இலக்கு வீழ்த்தப்பட முடியாதது
கட்டளைகளை புறம் தள்ளிவிட்டு
மக்களிற்காகக் போரிடுங்கள் படைவீரர்களே!

 

செய்தி:  நிராயுதபாணிகளான மக்கள் மீது யுத்த விமானங்களைக் கொண்டு தாக்கும் கதாபியின் மிருகத்தனமான உத்தரவிற்கு கீழ்படியாத இரண்டு லிபிய விமானிகள் தமது விமானங்களை பக்கத்து நாடான மால்டாவின் சர்வதேச விமான நிலையத்தில் தரையிறக்கியிருக்கின்றனர்—-

Last Updated on Saturday, 05 March 2011 07:03