Fri11162018

Last update10:02:19 am

Font Size

Profile

Menu Style

Cpanel
Back அரசியல்/சமூகம் ஜனநாயகக் குசு

ஜனநாயகக் குசு

  • PDF
அணிந்திருந்த போலி அரசியல்முகத் திரைகள்
அவலத்தில் கிழிந்ததடீ - சற்றுக்
குனிந்தெழும்பிக் கொஞ்சம் குரலும்குடுக்காத
கொலைகாரக் கூட்டமடி

புலியெல்லாஞ்செத்துப் பொன் னுலகொன்று வந்தாலே
புரட்சிபுரிவாராமடி - கடலின்
அலையெல்லாம் ஓய்ந்தபின்னர் அழகான கப்பலிலே
அரசியலும் விடுவாரடி

ரெட்டைப் பிசாசெல்லோ பிணமாக்கி நம்மக்கள்
ரெத்தத்தைக் குடிக்குதடி - ரெண்டில்
நட்புப் பிசாசொன்று மிஞ்சியதன் பிற்பாடு
நல்லஜன நாயகமாண்டி

நல்லாப்படிச்சம்கை நிறையப் பணம்பாத்தம்
நாமறியாக் கோட்பாடுண்டா? - வன்னிச்
செல்லாலே அடிவாங்கி நாய்கள் சாகும் எண்டு
சொல்லாத நாளும் உண்டா?

சொன்னாற்போல் எல்லாமே சிறப்பாய் நடந்தாச்சு
சரியெல்லோ நம்கோட்பாடு? - ரோட்டில்
உண்ணாவிரதம் எல்லாம் இருக்கேலுமா எங்கள்
உயர்பதவி இடங்குடாது

செத்தாரோ இழிகுலத்துப் புலிவாலில் கொடிபிடித்தோர்
செத்தால் நாம் அழ ஏலாது - எங்கள்
உற்றார் யார், நாம் சொல்லும் ஒரு சொல்லின் செல்வாக்கு
உனக்காதெரியப் போகுது?

ஐநா வில் அரசுகளில் அதியுயர்ந்த பதவியெலாம்
அலங்கரிப்பாராமடி - அகதிகளை
ஐயோ பொறுப்பெடுங்கள் என்று கத்திச் சாகின்றோம்
ஒரு வார்த்தை பேசாரடி

சனமெல்லாம் செத்தாலும் சகபாடிச் சக்திகளைச்
சங்கடத்திலாழ்த்தாரடி - கெட்ட
ஜனநாயக் குசுவைக் குளிரூட்டி அறைக்குள்ளும்
கூசாமல் விடுவாரடி

Last Updated on Monday, 13 April 2009 09:45