Sun05262019

Last update10:02:19 am

Font Size

Profile

Menu Style

Cpanel
Back முன்பக்கம்

புலியைச் சொல்லியே வயிறு வளருது…

  • PDF

ஊரை  வறுகின உடம்புகளெல்லோ
உழைச்சுத் தின்ன உடம்பு வலிக்கும்
வேரோட அறுத்து வித்துத் திண்டவங்கள்
நாடு கடந்து புடுங்கப் போயினம்

நாட்டில உறவுகள் சாகக் கிடக்கிதுகள்
நாளைக்கென்னத்த சாப்பிடக்கிடக்குது
பான கழுவி கவிட்டுக்கிடக்குது
வெறுமுலை உமிந்து குழந்தை வீரிட்டழுகுது

செத்த சனத்தோட துயரோட நாங்க
கொழுப்பு முட்டி கழுத்துத் தசைபிதுங்க
புலத்து மதி உரை வித்தகர்கள்
சொத்துப் பெருக்க பெட்டியோட வாறாங்கள்

ஆரிட பிள்ளையள் அநுராதபுர காம்பில வெடிச்சது
அடிச்சு நெஞ்சில கத்தினது யாரு
வானில பறந்து வெடிச்சது யாரு
வயிறு எரிஞ்சு துடிச்சது யாரு

சேற்ரில தலைவரப் போட்டது யாரு
சிறையில பிள்ளையளை தள்ளினது யாரு
வன்னியில வம்சத்தை அழிச்சது யாரு
கூட்டையே அறியா புலத்தவன் கோழை

ஊரில பிள்ளையள் வெடித்துச் சிதற
காரில கொடியோட களியாட்டம் போட்டவங்கள்
போரில சனங்கள் துடித்துக் கதற
புகலிடமந்திகள் ஆய்வுக் கொப்புகள் தாவிச்சுது

முறிஞ்சு விழுந்தது எங்கட உடல்கள்
இன்னம் முதுகில பாய கீறிக் கிழிக்க
வருகுது தேர்தல் பிரபாகரன் சாவிலகொழுக்க
திரும்படா தமிழா மானமிருந்தா காறி உமிழடா………..

 

 

 

 

 

 

 

 

 

 

 

http://www.psminaiyam.com/?p=5032


Last Updated on Wednesday, 28 April 2010 19:41